Si prava save si zapisime ande zakoni, ande službena glasnika thaj strategije, a si thaj prava save dživen ande stvarnost. Maškar adala duj prostora, često široko thaj tiho, ačhel manuš. Nacionalne manjine ande Srbija upravo adja provodin buter parto piro društveno jivdipe — maškar slova zakono thaj glaso savo retko dođel dži javnost.
Pravo pe javno informisanje ande piro čhib, pravo pe istinito, kompletno thaj bizo-diskriminacija izveštavanje, pravo pe učestvovanje ande medijakero prostor — savor adala si temelji demokratsko društvo. Ali ande praksa, adala prava na ostvarinelpe korkoro. On trubul znanje, strpljenje thaj medijakiri pismenost, i kod olenđe save izveštinena, thaj kod olenđe pale save izveštinelpe.
Pale pripadnike nacionalne manjinengoro, a posebno pale romani zajednica, medijakero prostor često si than tišine vaj pogrešno slike. Zakono len garantuinel vidljivost, ali medijakiri praksa nekad svedinel la pe formalnost. Adja bijandel egzistencijalno napetost: manuš džanel kaj isi pravo, ali na džanel sar te ostvarinel, ni kaske te obratisarel. Pravo ačhel apstraktno, a stvarnost konkretno thaj teško.
Praktično dikhibe prava ando oblast javno informisanje počinel upravo adja. Nacionalne manjine isinen pravo pe medijakere sadržaja save čuvan lengoro čhib, kultura thaj identiteto. Isinen pravo te na aven predmet senzacionalizma, te pale lende na phenelpe samo prek problemura, nego thaj prek jivdipe. Isinen pravo pe učestvovanje ande stvarinibe sadržaja, prek mediji ande manjinski čhiba, prek projekti ande javno interes, prek bući udruženja thaj lokalne redakcije.
Ali zakono na si dovoljno kana na si razumljivo. Zato medijakiri pismenost avel tiho saveznica prava. Oj sikavel manuš te prepozninel kana si diskriminisime, te razuminel sar funkcionirinel medijakero sistem, te džanel kaj šaj te obratisarel — andar redakcija, prek regulatorna tela, dži institucije save braninen ravnopravnost. Bizo adava znanje, pravo ačhel nemo thaj nedostupno.
Posebno uloga isinen mediji save bućaren ande javno interes. On nane samo prenosioci informacija, nego čuvari ravnoteža. Lengeri odgovornost nane samo ande adava so objavinena, nego thaj ande adava so birinena te na prećutinena. Kana mediji den prostor glasura manjinengoro, on na ispuninena samo zakonsko obaveza — on obnovinena poverenje ande društveno dijalogo.
Praktičnost adale dikhibes dikhelpe thaj ande cikne korakora: ande objašnjavanje procedura, ande razumljivo čhib, ande tekstura save na strašinena, nego ohrabrinena. Jer pravo savo na razuminelpe, lako gubinela. A pravo savo dživelpe, avel parto identiteto.
Na kraju, prava nacionalne manjinengoro ando oblast javno informisanje na si samo pitanje zakona thaj medija. On si pitanje savesti. Način sar društvo phenel pale olenđe save si manjina, otkrinel sar razuminel korkoro peste. Sar so istorija sikavela, najbare nepravde bijanenas ande tišina. Zato pravo pe glaso, ande piro suština, si pravo pe postojanje. Upravo adja, ande prostor maškar zakono thaj jivdipe, mediji šaj te aven adava so trubul te aven — na sudije, nego svedoci; na glasni tumači stvarnosti, nego tihe čuvari istine.
OVAJ PROJEKAT JE SUFINANSIRAN SREDSTVIMA MINISTARSTVA INFORMISANJA I TELEKOMUNIKACIJA REPUBLIKE SRBIJE.STAVOVI IZNETI U OVOM PROJEKTU NE IZRAŽAVAJU NUŽNO STAVOVE MINISTARSTVA KOJE JE DODELIO SREDSTVA.
