Ande khera kaj o dives često počinel brigasa sar te avel pe dži buti, škola ili lekarisko ordinacija, o ekran ačhol prozor dži svet. O telefon ande vast e čhavoro nekad si jekhlo učbeniko, a o internet – učitelj bi glas thaj bi muj. Ali sar so svaka pani phirel thaj čistoća thaj opasnost, isto tako thaj o digitalno prostor ande peste ćerel istina thaj obmana. Kate počinel tiha thaj presudno uloga e roditeljenđi ande romane familije – te avel prvone putokazura kroz akava lavirint slike, poruke thaj vesti.
O roditelj naj si uvek kova kaj džanel, nego kova kaj spremno si te sikljovel zajedno e čhavorenca. Ande uslovi cikne medijske pismenosti saće zajednicaki, akaja uloga si teža, ali thaj buteder važna. Razgovori pala sadržaje save e čhavore dikhen, učestvovanje ande zajedničko rodenje pouzdane izvori, objašnjavanje razlike maškar reklama thaj vesti ili maškar činjenica thaj mišljenje – savorre akala si cikne, ali dragocene korakora kaj gradinen temelja zdravo odnosesko prema medije.
Roditeljsko prisustvo značinel thaj postavljanje granice. Naj sar zabrana kaj rađinel otpor, nego sar dogovor kaj rađinel razumevanje. Ograničeno vrama angleder ekrani, zaštita privatne podatakora thaj razgovori pala opasnosti neprihvatljive sadržajenge naj si pitanje kontrola, nego briga. O čhavo kaj sikljovel te pučel angleder nego so kliknela, već sikljarda prvo lekcija medijske bezbednosti.
Posebno vrednost e roditeljsko ulogaki dikhel pe ande čuvanje identiteta. Preko razgovori pala romani kultura, čhib thaj tradicija, e roditelja pomožinen e čhavore te medijske sadržaje na priminen pasivno, nego kritički – te prepoznanen stereotipura thaj nepravde thaj te na den e tuđe slike te odredinen lengi slika pala peste.
Aktivnosti usmerime te jačaren medijsku pismenost romani zajednicaki sikljoven kaj upravo e roditelja si ključni saveznici ande akava proces – preko radionice, razgovori sa stručnjacenca thaj edukativne tekstura dobijinen podrška te ohrabren pire čhavore thaj te avel pe deo lengoro razvojno drom.
Medijski pismenost ande romane familije naj barol naglo, nego sar biljka kaj zalivel pe strpljenjasa. Svako zajedničko dikhlje sadržajora, svaka postavljena dilema thaj svaka pohvala e čhavoroske kaj prepoznal manipulacija – si korakora dži društvo ande savo neve generacije Roma koristinen medije te gradinen piro than talo kham, a na te ačhoven pe ande lengo sen.
Sar so tiho sikljovel istorija – najjače promene na anen bare lavura, nego cikne, uporne radnje ande familija. O roditeljsko alav, vakerdilo sa razumevanje thaj ljubav, ačhol najpouzdanije medijo saveha e čhavore sikljoven sar te dikhen o svet – thaj peste ando leste.
OVAJ PROJEKAT JE SUFINANSIRAN SREDSTVIMA MINISTARSTVA INFORMISANJA I TELEKOMUNIKACIJA REPUBLIKE SRBIJE.STAVOVI IZNETI U OVOM PROJEKTU NE IZRAŽAVAJU NUŽNO STAVOVE MINISTARSTVA KOJE JE DODELIO SREDSTVA.
